قصائد

قصيدة جائزة نوبل للشاعر أحمد فؤاد نجم

 

شوف عندك يا سلاملم

واتفرج يا سلام

مواطن

شخص عادي

مالوش أي اهتمام

ومبارك الخيانه

ومسميها السلام

وف يوم قرا الجرايد

تاريخ ما اعرفش كام

من يومها يا ضنايا

بيشقلب فى الكلام

واتفرج يا سلاملم

على شقلب يا سلام

لما محانم جيبن يا دخ

زايجة لوبن

يعنى مناحم بيجن

ياخد جايزة نوبل

تبقى النوديا

يعنى الدنيا

ماشيه بتحدف بالمندار

يبقى الشهر اتناشر ساعه

قصيدة جائزة نوبل

يبقي اليوم

ليلتين ونهار

يبقى القاتل

شخص ضحية

والمقتول مجرم جبار

شفتوا إزاى ؟

أما صحيح الطب اتقدم

وحنا ما وصلتناش أخبار

أيوه يالجنة لوبن بيه

قاعدة ازاى بتلجنى إيه

أنا مش فاهم حاجه صراحه

لما القاتل يا خد جايزه

كده من دون تلبيخ وأباحه

يبقي

يا إما اللجنه دى بايظه

أو لا مؤاخذه

رئيسها حمار

يبقي يا لجنه يا عره يا كوسه

جتنا وجتكو ستين حوسه

يبقي ف هذا الزمن المايل

ياما حتجري علينا هوايل

تبقي اللكلمه بدل الكلمة

والكاتب يمسك منشار

يبقي الراعش

يعنى الشاعر

يسكن شقه ف بيت

فى قصيده

يكتب فول

ياكل أشعار

 

قصيدة جائزة نوبل للشاعر أحمد فؤاد نجم

أحمد فؤاد نجم في قرية بمدينة أحد أهم شعراء العامية في مصر وأحد ثوار الكلمة واسم بارز في الفن والشعر العربي ولقب بالفاجومي المصري وبسبب ذلك سجن عدة مرات..

 

اقرأ أيضًا :

قصيدة كلب الست للشاعر أحمد فؤاد نجم

قصيدة يعيش أهل بلدي للشاعر أحمد فؤاد نجم

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock