إستماع وكلمات أغنية قصيدة الجوكر أحمد ناصر
إستماع وكلمات أغنية قصيدة الجوكر أحمد ناصر

إستماع وكلمات أغنية قصيدة الجوكر أحمد ناصر

أطلق منذ دقائق الشاعر والكاتب أحمد ناصر المشهور بالجوكر أغنية قصيدة على اليوتيوب، وبالطبع بإنتظار دخولها تراند!، وغريبة أن يطلقها اليوم، لانه قد صرح من قبل أن يصدر أغنية كل يوم 10 من كل أول شهر، ولكن المهم أنه أتى لنا بأغنية جديدة وإليكم من موقع كلام كتب أغنية قصيدة للكاتب الذي سوف يصبح من أكبر كتاب العالم وأتمنى ذلك لأنه بالنسبالي أفضل شاعر عامية معاصر عرفته حتى الآن، ونكتفي بالمقدمة ونبدأ أولاً بكلمات الأغنية.

كلمات أغنية قصيدة الجوكر

سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري ، ولا قُطر فتحة غاري
مصمم ع اللي اختارته ، ومش حزين مع اختياري
لا شىء لا يمكن استبداله .. عالج التعلق
ناس كتير ع القمة لا تفقه التسلق
أغلى من حاجات ، وكافرة بالتدرج
تيجان ملوك دابت نتيجة التملق
غير العامة .. بنطارد الفراشات بشغف
ع المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم
أرواح فرادى اتطفت لما قلدت الإجواز
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب .. وسط بيوت إزاز
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كننا دول
بغير الأسامي وأحكي نفس القصة
كل شىء بيغلى ، وانتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها

تعالي قبل النوم وانا احكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة
كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
انا بحب انا .. حتى لو اتشقلبت
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
مش عارف .. انا الحقيقي ولا غش
بقطع وش ألاقي تحته وش
أشك في اللي بنى ، وأشك في اللي اتبنى
أصعب اكتشاف في العالم اكتشاف ال انا
عصاه تبلع عصيانهم ؛ فبيصبح مكروه
يقولوا عليه من ضهره ، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال
ده بسبب كشافات الليل بقى النهار مليل
مادام بياخدوا اكتر منك .. الكتير قليل
في ركن في الفضاء ، وجنبك اكسجين متسيل
لا حمل إنك تشيل ، ولا إنك تشيل
إسأل فحم المكن عن معنى رأسمالي
بفضل اخواتنا في فلسطين بقى للطوب معاني
لو مش عارف ابن آدم كنت لومتك
جرب تكونني ساعة .. تنفجر جمجمتك
غبي لدرجة ان الرد اللي انت قولته
بكتب قصايد ، وده شرف عمرك ما نولته
الجامد الروش ده أعلى لقب طولته
فيلمكوا رخيص ، وانا انسحبت من بطولته
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني

أعتقد أن يمكن أن نتناقش في كل جملة لساعات من عمق الكلمات، ولكن أعتقد أني أحتاج إلي بعض الوقت وإلى الإستماع بشكل متكرر حتى أصل إلى توضيح بعض المعاني، وسظل أعترف بأن الجوكر كاتب وشاعر وليس مغني راب وأتمنى أن يصدر الرواية التي تحدث عنها كثيرًا قريبًا، وأن يترك أغاني الراب ويركز في الكتابة فقط ويصدر لنا كتب ودووين شع، وذلك لاني لا أحب الراب واقرأ له أكثر ما بسمع، واتمنى له التوفيق دائماً.

ولا ننسى أغنية المختار وهذا لآنها من أفضل الأغاني بالنسبالي هيا والوصايا وكي لا اطيل عليكم.. آخيرًا إليكم أغنية قصيدة آخر أغنية للجوكر عبر قناته على اليوتيوب

إستماع أغنية قصيدة الجوكر عبر فيديو على اليوتيوب

اغنية قصيدة للجوكر

فريق عمل أغنية الجوكر

Lyrics: El Joker
Music & Master & Mix: Dj Totti
Video by: Mostafa Karim
© 2019 El Joker

وكان يفعل كل ما في الأغنية بنفسه قبل ما يعمل له أحد فيديو أو مزيكا، نعم أصبح له فريق عمل.

عن كلام كتب

كلام كتب، هنساعدك تقرأ. نعمل على نقل المعرفة من الكتب إليكم من جميع الكتب العربية. مثل كتب : (تطوير الذات - إدارة أعمال - علم النفس - تعليم - معلومات عامة - صحة وطب - روايات والأدب - التاريخ - قصص - العناية بالمنزل - العناية بالأطفال - هوايات وفنون)

اترك تعليقاً

لن يتم نشر عنوان بريدك الإلكتروني.

error: Content is protected !!