قصائد

عمرو حسن قصيدة مكتبهاش نزار كلمات القصيدة كاملة

قدم لكم موقع كلام كتب من قبل اجمل قصائد الشاعر عمرو حسن
خلينا صحابجوابي ده الأخير ليكيهيبتامرة واحد نوفمبر اشبعي بيهم ” وغيرهم الكثير

كلمة بحبِك ف ذاتها إختبار مش سهل
دي كلمه صعبة وعصية وجايه بالعافيه
كلمه وراها بيوت وحنين وتر مكبوت
وعيال بتشبهلنا ف الصورة قبل الصوت
ووراها شك وشوق وعناد مالوش آخر
ووراها حزن وخوف وكلام عبيط ساخر
كلمة قصادها الألم بيلين ويتاخر
وتلاقي نفسك ف لحظة وسط عزوة وأهل
والأمر ده مش سهل ..
ولا سهل اجيلك واقولك كلمة واسحبها
انا سيرة مش ولابد
وسنين غلط وصواب
انا جوه مني ضباب
راجل حزين واتساب اكتر ماساب بكتير
فقد الأمل بالألم ولقاكي بانله ضمير
فان كنتي هترديه .. عداكي عيب واتنين
وان كنت هتطاوعيه .. تاخدي الثواب ثوابين
وان كنتي هتضميه وتكوني أم وأب
هيكون عشانك سكن وحاجات كتير تتحب
راجلك ف وقت الضيق

وصديق مابعده صديق
وطريق اذا مشتيه هتلاقي فيه نفسك
الشعر مابيديش الا اللي حب وداب
وانا طفل مابيَديش الا احضنك ف غياب
اقصد تجاهك باب والقاكي مش قافلاه
عايزك ومش طالب غير ضحكتين لله
جايلك باقول ياحياة وباقول تكوني الجي
نظرة عنيكي نجاه ودليل بإن انا حي
والأعمي سر عماه اهمال وجود الضي
ف ازاي عنيا تضل اذا حان وبان ضيِّك
بسأل على نفسي .. فبقولك ازيِك
كان نعمه من ربنا زيك يفوت من هنا
ياللي انتي مش زينا ازاي لقيت زيِّك

عمرو حسن قصيدة مكتبهاش نزار

عمرو حسن
عمرو حسن

وازاي بحبِك كده ؟
انا عمري ماتخيلت انك تكوني انتي
اول ماشوفتك لقيتني يعني مش طايقك
عمال اضايقك كإنك حد تاري معاه
وانتي الصراحه كمان لا كنتي حباني
ولا كنتي حابه تشوفي هزاري وجناني
ولا كنتي عايزاني
تشوفيني ماشي طريق تمشي ف طريق تاني
فجأة بدون أسباب لقيتني بمشيلك
ولقيتني بحكيلك كل اللي ماحكيتهوش
ولقيتني بآمنلك
ولقيتني بقى منك
أو حد من ناسك
وانا يعني مش ناسك ف الحب ولا قديس
انا صوفي مش ماسك الا ف هدوم ابليس
فانا يعني مش ولابد وتاريخي مش هوّ
لكني والله … كما طفل من جوه
دماغه زي الحجر ويبان ف طبعه عنيف
وف لحظة يقلب مطر وتلاقي روحه رصيف
عيل ف اصله نضيف محتاج شوية شغل
وهمّتك وياه
على قد ماتساعديه وتحطي أملك فيه
على قد ماهتلقيه بينقّي اخطاؤه
فيه حد جايلك هنا
واقف بأوراقه
ف ايديه كتاب ربنا وف قلبه اجزاؤه
بيحلّفك بالأمل وبفرصة ما اخدهاش
تنسيله ذنب اتعمَل بجريمة ماعملهاش
وتكوني ستر وغطا وكفوف تضم ب وِد
وتكوني جنب ومع
ف زمان بعكس وضد
وتباني شمس ف شتا وتكوني برد ف حر
وتكوني اول بر ، ارسى عليه ومخافش
انا عندي هنا كفين ولازلت مابسقفش
طاوعيني من فضلك

انا جاي افضفضلك
وجاي طالب وجودي ف بيت يكون بيتِك
وجاي أقولك بإني لما حبيتك
حبيتني فيكي ولقيتني أب شاف بنته
وبقيتي كفه وعينيه وصحابه وسفينته
وانا يعني مش هاكدب ولا هاحكي اي خيال
بكره هنتخانق وهيبقى بيننا عيال
واكيد هيتغير شكلك وتفاصيلك
وانا برضه هتغير
هبان كده قصير وتخين بنضاره
وهلاقي نفسي باطلع همي ف سيجارة
وبلعن الأيام وباقول ما كنت جميل
ويجوز تعاقبيني وتشيّليني غسيل
ومافيش ف ايدي ضمان اطفالنا يبقوا جُمال
لو يعني جيبنا عيال
ومافيش معايا جبال من وهم ابيعهولك
لكن ف قلبي كلام محتاج اقولهولك
انا جي بحلفلك ان انتي مالية العين
واني مشيت جيتلك ماعرفش ماشي لفين
واني بحبك وناوي ابقي بطل الفيلم
ارجوكي لا تزعلي من شخص شافك طَبّ
وقوليلي هل تقبلي .. ابنك يكونلك أب ؟

إستمع إلى قصيدة مكتبهاش نزار للشاعر عمرو حسن  من حفل ساقية الصاوي

قصيدة مكتبهاش نزار للشاعر عمرو حسن

الوسوم

مقالات ذات صلة

error: Content is protected !!
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock