الحكاية باختصار عمرو حسن وأسامة عطية
الحكاية باختصار عمرو حسن وأسامة عطية

الحكاية باختصار عمرو حسن وأسامة عطية كلمات القصيدة كاملة

قدم لكم موقع كلام كتب من قبل قصيدة جوابي ده الأخير ليكي وقصيدة هيبتا وغيرهم الكثير

ويقدم لكم اليوم قصيدة الحكاية باختصار للشاعر الشاب عمرو حسن وأسامة عطية

الحكاية باختصار
بنت أطيب م النهار
ايد تغمي عنيك بخفة
وانت بتدوق الفطار
أم تعرف تبقى طفلة
طفلة تعرف تبقى دار
الحكاية عن عنيها
سيما صيفي وليل سكات
الحكاية عن خدودها
ورد نبِّت غمازات
بنت مكتوب ف بطاقتها
انها كل بنات

أزازة فودكا مرمية ع الكورنيش
انا وانتى بنرقص ف الطريق مجانين
هوا ساقع يضايق عسكرى ف الجيش
غريبة البرد ده كله مش حاسينه
انا وانتى جنان رسمى
ف كون مجنون بنسكن فيه
انا وانتى كما الموال
ف كون مجنون بنرقص فيه

الحكاية باختصار عمرو حسن وأسامة عطية

عمرو حسن
عمرو حسن

أما بخصوص الخناق
واننا ف عدم اتفاق
وان بيننا حرب أطول
م اللي دايرة ف العراق
ده جنون الحب فعلاً
لعنة الحب بغباء
وابتلاء الغيرة واجب
دايماً الغيرة ابتلاء
وانتي ممكن اغير عليكي
من دفا وشم ف ايديكي
من عنيكي لو تغمض
ثم فجأة تشوف عنيكي
من ملامحك ، بارفاناتك
من هدوم علي شماعاتك
من كلامك من سكاتك
من صحاب ماليين حياتك
فـ الطبيعي نكون تمللي في اختلاف
والطبيعي ف كل شهر يومين عجاف
والطبيعي لانك انتي الكون بحاله
اني اشوفك عكس كل الكون ماشاف

أزازة فودكا مرمية ع الكورنيش
انا وانتى بنرقص ف الطريق مجانين
هوا ساقع يضايق عسكرى ف الجيش
غريبة البرد ده كله مش حاسينه
انا وانتى جنان رسمى
ف كون مجنون بنسكن فيه
انا وانتى كما الموال
ف كون مجنون بنرقص فيه

ف الختام
فيه كلام محتاج اقوله بس مش لاقي الكلام
فيه حاجات محتاج اقولها وانتي عارفة
اني خيبة
واني بتلخبط ف اسمي
واني باعرق لما افكر
وانتي عارفة ان انتي سكر
واني من غيرك وحيد
واني صايم طول حياتي
فجأة شوفتك جايّة عيد
واني مش عارف اعبّر
أو ابيّن شيء جديد
أو أقولك يعني مثلاً
انتي نجمة فوق بعيد
فاعذريني
واحضنيني حضن كافي
حطي ايدك فوق كتافي
وارقصي حتي ف خيالك
تنزل المطرة اللي ساكنة ف غيم جمالك
واعذريني لو ف نفسك كلمة عمري ماقولتهالك
واعرفي اني بحبك
واني جنبك للنهاية
هي دي كل الحكاية

إستمع إلى قصيدة الحكاية باختصار عمرو حسن وأسامة عطية من ساقية الصاوي

قصيدة الحكاية باختصار عمرو حسن وأسامة عطية

اترك تعليقاً

لن يتم نشر عنوان بريدك الإلكتروني.

error: Content is protected !!