كلمات وإستماع أغنية عالم رابع الجوكر - أحمد ناصر
كلمات وإستماع أغنية عالم رابع الجوكر - أحمد ناصر

كلمات وإستماع أغنية عالم رابع الجوكر – أحمد ناصر

كالعادة يصدر الفنان أحمد ناصر المعروف بالجوكر أغنية جديدة كل يوم 10 في الشهر، وصدر منذ دقائق على قناته على اليوتيوب أغنية عالم رابع، ونعرض لكم في موقعنا “كلام كتب” كلمات أغنية عالم رابع الجوكر وأيضاً مشاركة الفيديو للإستماع، والأهم هو مشاركة الكلمات، لآن أعتبر ما يقدمه الفيلسوف والشاعر والكاتب أحمد ناصر كلمات على أوزان شعر معاصر، يدمج مع موسيقى حتى يسمعهُ الكثير من الناس، وهذه لآن عدد اللذين يسمعون يتفوقون عدد اللذين يقرؤون، وأتمنى أن يصدر روايته الأولة في أقرب وقت.

كلمات أغنية عالم رابع الجوكر

ضهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي انت شايفه يبقى اللي انت شايفه
أغلب الأوقات شجاعتك جت مـ الخوف اللي انت خايفه
من دوشة تل الغلطات .. مش سامع مـ السما أصوات
بـ الغل وبـ الخوف متحاط .. مش عارف تاخد خطوات
كله غرز بوزه في التراب في أول نطة
هما حاولوا تاني .. وانت اختارت حاجز أوطى
قتلوا مننا كتير بحجة شىء أهم
خلوا الهوا اللي بيني وبينك ريحته دم
مداقوش ازاي الوجع شىء ملموس وطعمه في بقك
ظنوك بتقول مجازا إن الظلم كسر شوكتك
مش أرق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك
فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان ، وبعضه حظك كده
في ناس بتعبد الحياة ، والباقي كبش فدا
وبصراحة مفيش مؤشرات إن الزمن هيدور
الضلمة اللي في عالمنا قادرة تبلع أي نور
وضع معادش مبلوع .. خلافنا في أصل وفروع
ملكنا لا سيف ولا دروع .. ملكتوا الطلق والجوع
سعرك سعر ترس في عجلة الإنتاج
وبصراحة يعني من أسباب إيمانك الإحتياج
لبسّوا الرجلين فردة .. عبدوا الحس والمادة
نزعوا المعني مـ الوردة .. ينفوا المطرة لو تندة .. فوقهم
شوهونا .. أصبح زوقنا زوقهم
إتعاطفنا لما إتعاطفوا ، وقولنا قوم لوط بشوقهم
قصاد الريح تفضل جدور ، وجدور تتقلع
أول مرة أمسك كبريت العلم الأزرق ولع
قتلت جزء فيك عشان يعيش أغلبك
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

أغنية عالم رابع الجوكر

وقدمنا لكم من قبل بعض كلمات أغاني الفنان أحمد ناصر “الجوكر” ومنها:

  • كلمات أغنية موسم الذئاب الجوكر أحمد ناصر
  • كلمات أغنية العُقد الجوكر أحمد ناصر الأغنية الجديدة
  • كلمات أغنية المختار الجوكر أحمد ناصر

عن أغنية عالم رابع

لآ أستطيع أن أفسر عن ماذا تتحدث الأغنية إلا بعد سماعها عدة مرات، وقراءة كلماتها أكثر ما أسمعها..

إستماع لأغنية عالم رابع – الجوكر

أغنية عالم رابع الجوكر

فريق عمل أغنية عالم رابع

Lyrics: El Joker
Vocals: El Joker
Music: beatowski
Recorded at: Wave Studio
Master & Mix: Amonuos
Des. by: Mostafa Karim
© 2019 El Joker

صورة ثابته على كلمات أغنية عالم رابع “للجوكر” وهذه ما يفعله دائماً، بغض النظر عن نجاحة في الكليبات مثل كليب آية الذي آثار جدلاً واسعاً.

عن Omar Mahmoud

اترك تعليقاً

لن يتم نشر عنوان بريدك الإلكتروني.

error: Content is protected !!