قصيدة عن الوطن السعودي مكتوبة
قصيدة عن الوطن السعودي مكتوبة

أفضل قصائد عن الوطن السعودي مكتوبة

هناك الكثير من القصائد في مدح السعودية للكثير من شعراء السعودية والوطن العربي، وما أجمل أن تقرأ قصيدة عن وطنك، وتعبر عن حبك وأنتماك لهذا الوطن، ولذلك سوف يقدم لكم موقع كلام كتب مختارات قصائد عن الوطن السعودي لأفضل الشعراء في السعودية، نتمنى أن تنال أعجباكم.

قصيدة ارفع راسك انت سعودي للشاعر خالد الفيصل

ارفع راسك انت سعودي … طيبك جاوز كل حدودي
مالك مثيل(ن) بالدنيا … غيرك ينقص وانت تزودي
فارس و اجدادك فوارس … و اصبحت لبيت الله حارس
مغروس بالمجد و غارس … في ميدان العز شهودي
علمك غانم وجارك سالم … يخشى من هيبتك الظالم
راعي صمله دايم والم … سيف و قلب وفعل زنودي
بالعالم ما مثلك مسلم … دايم بالفضيله محرم
الخايف بدارك منعم … وعن دخيل حماك تذودي
دايم سيفك بيدك سلّه … ما تغمد سيفك منذلّه
و حجاجك دايم منفلّه … وأنت بنصر الله موعودي
فهد القائد فهد الرائد … فهد الصقر الحر الصايد
و العيد بعون الله عايد … وسعودك ياوطني سعودي

الأمير خالد بن فيصل بن عبد العزيز آل سعود، مستشار ملك المملكة العربية السعودية، ومن عائلة آلـ سعود، وله مساهمات شعرية عديدة، ويعرف عنه أنه فنان وشاعر وأديب.

قصائد عن الوطن السعودي للشاعر صالح الداغش

فارس البيد العتيه … أعظم رموز العظام
مدته كف ٍ سخيه … بالتآخي والوئام
شبته للنار حيه … مايقصرها الظلام
ولاطفت بشوي ميه … كانت البرد السلام
ثبت أطراف القضيه … بالندأ أو بالحسام
وإن بغى ساق المنيه … للأعادي والخصام

ياوطنا
وهبة الله العزيز
للملأ
عبدالله بن عبدالعزيز
فارس البيد العتيه
سيد الشم الشواهق
إن تخطراها بمطيه
وان بغى شهب وصواعق

ماملكته وطن حتى ملكت القلوب … وما ملكت القلوب الا بطيب الفعال
كل هالأرض يم ابواب بيتك دروب … كن بيتك ذرى تستظل به الرجال
ياملكنا لمجدك شمس ماله غروب … احتفى الصبح لأجله وزخرفته الليال
بايعتك الأوادم والمدى والهبوب … وبايعتك السجايا وطيب كل الخصال

كم غذوها أخوان نوره من دماهم
كم عطوها
كم تنادوا في لياليها العتيمه
وأسهروها
كم تلاقوا في أمانيها العظيمه
وأصنعوها

السعوديه بلادي
لاذكر كل بلاده
والسعوديه عتادي
لالمس كل زناده
وان نده فينا المنادي
خذنا سيف من غماده
نبذل الأرواح عادي
حكمة الله في بلاده
سمها حرب الأعادي
سمها في السلم غاده
سمها طيب وتهادي
لاذكر كل بلاده

الشاعر صالح الداغش، هو شاعر سعودي له الكثير من القصائد العامية عن الحب والبلاد العربية، وله أيضاً قصيدة تسمى الرياض يمدح فيها عاصمة السعودية باللغة العامية.

قصيدة الرياض – صالح الداغش

حبيبي يالرياض اللي رحل من غير خلانه … مشت من تحتي التربه وانا مازلت فمكاني
حبيبي يالرياض اللي سكبني فدم شريانه … دخيل انفاسك العطره من اللي ساكن الثاني
يوصيني الزهر الاصفر تجي فيديك ريحانه … اذا مااشتقت للتربه تجي يااخي على شاني
وانا اقول الرياض اصلا ثرى في غي انسانه … وانا احب الرياض اصلا كذا من كل وجداني
وانا ماني الوحيد اللي غوت به بنت جيرانه … رمى في دربها ورده وغرشة عطر واغاني
حبيبه من تذكرها يطير بدون جنحانه … رههيفه من تلعثمها يجيه الشعر متفاني
وحبيبي يالرياض اللي انا والشعر خلانه … حبيبي يالرياض اللي بعد مازال عنواني

الشاعر السعودي رشيد الكثيري – قصيدة شعرٍ نزيهٍ بدون حقوق نقديّة

أهنّي النفس بافراح السعوديّة … دامي سعودي لزوم النفس أهنيّها
نفسي سعوديّة وبالخص نجديّة … يا كيف ما يفرح اللي قد نشا فيها
مشاعري من صميم القلب جديّة … مشاعرٍ صادقة والشعر يرويها
شعرٍ نزيهٍ بدون حقوق نقديّة … كله غلا للسعودية ومن فيها
لا يا قصيدي عليك اليوم رديّة … عاهدتني وانت باذن الله توفيها
خابرك ما فيك من طبع اليهوديّة … توعد وتوفي وانا خابرك راعيها
مابي بيوتٍ على ما قال عاديّة … أبغى بيوتٍ تحب الناس توحيها
ما دام جوّك عليه غيوم رعديّة … بلّ الكبود العطاشا لين ترويها
لا يا قصيدي بيوت الشعر مهديّة … للمملكة والملك والشعب مهديها
هذي ليال الوطن صارت رماديّة … بعيون من يغلي الدولة ويفديها
ساعات يوم الوطن لحظات ورديّة … تسعد بها العين ما دامت تراعيها
يا خادم البيت يا رمز القياديّة … حامي حماها وباذن الله حاميها
وحنا حماةٍ لبو متعب وجنديّة … ولكل شعب السعوديّة واهاليها
وحنا لبو خالد ابكل اعتياديّة … جند وسند دامنا نمشي باراضيها
وآل السعود الكرام سيوف هنديّة … في وجه منهو بغى بالشر ينويها
علاقة المملكة بالشعب طرديّة … حنا نحب السعودية ونغليها
والمملكة تغلي رجال السعودية … ورجالها بالولد والمال تشريها
واصبح صباح أول الميزان ويديّه … تكتب ليوم الوطن من شعر راعيها

رشيد الكثيري، شاعر سعودي له الكثير من القصائد العامية، التي تتميز بالوزن والقافية.

وإلى هنا ننتهي من موضوع قصائد عن الوطن السعودي، وإذا أعجبك الشعر والموضوع نتمنى المشاركة.

عن كلام كتب

كلام كتب، هنساعدك تقرأ. نعمل على نقل المعرفة من الكتب إليكم من جميع الكتب العربية. مثل كتب : (تطوير الذات - إدارة أعمال - علم النفس - تعليم - معلومات عامة - صحة وطب - روايات والأدب - التاريخ - قصص - العناية بالمنزل - العناية بالأطفال - هوايات وفنون)

اترك تعليقاً

لن يتم نشر عنوان بريدك الإلكتروني.

error: Content is protected !!