كلمات أغنية موسم الذئاب الجوكر أحمد ناصر

قدم لكم من قبل موقع كلام كتب كلمات أغاني الراب (أغنية العُقد الجوكر –  أغنية المختار) للكاتب أحمد ناصر المعروف بـالجوكر ومنذ دقائق “اي أول ساعة” صباح يوم الثلاثاء بتاريخ 11 ديسمبر 2018م قام الفنان أحمد ناصر بنشر أغنية موسم الذئاب ونحن ننقل لكم الكلمات مع الإستماع. 

كلمات أغنية موسم الذئاب الجوكر الأغنية الجديدة

بنقدم قبل النوم عرض شاش وميكروكروم
تهزيئاً لدراكولا .. بطولة الفيلم لفص توم
فاضل ألف جنيه على أول ألف في المليون
أو شفرة موس ، يا حبل في نجفة الصالون

آدي اللي إتلصم عطل .. الواقع يخذلك تتسطل
صعب تعيش بـ اللي منك فِضِل ، وصعب اللي فاضل فيك يتقتل
راسه مش في الطين عشان كرامته سوى البلاطة
لأ ،كان عنده إرادة .. بس هبت ريح وطاطا

في قمة الهيكل ده عين ترى الجميع
في أرض الذئب جُرِم إجتماع قطيع
ونادى منادي بكوننا اتنقذنا .. بحال المراكب اللي غرقت وعظنا
شكر كل اللي شارك ببصمة .. لقانا بنغرق نادى لقراصنة

صاحب الشيطان ومتصاحبش فكرة
الشر واقع ، والبلد دي خرم إبرة

اليأس سلاح ، وتلم .. يعشق اللي خاف فـ سِلِم
أما باني اللي بيتهدم .. لو مفاقش مكانش حِلِم
وطننا ضاق ، لكنه عشق .. الوضع ساء ، تحليته غش
وزيرنا مات ، وملكنا كِش … وإتقال معلش

صمتك مش علامة رضا .. علامة الفرهده
كلنا أطراف في صراع على حتة جبنة في المصيدة
اللي متسطلش كفايه عاز فنون تسطله
ديلرات الكار نجوم طريق مخطيناش أوله

انا لما قولت لأ .. كنت بقولها عشان شاريكي
انا عند حسن ظنك .. قالب الدنيا ومش لاقيكي
قالولك إني طايش .. وإني مش بفكر فيكي
قسموني أتنين إتغدوا ببعض .. عشان يتعشوا بيكي

قالي ملفك كِبِر .. جملة سياسة كمان وشكرا
قولتله متهددنيش .. انت متعرفش انا مين في شبرا
هما اللي إتمادوا ؛ فـ مخدتش الدوا في ميعاده
كُنا سته .. وسته مننا ماتوا

طموحك نازل أرض الواقع .. هيبططك
اللي عوزته ، واللي إتحقق .. شىء ، وعكسه .. وده أحبطك
نِداك في مالطا ربى فيك الكسل
معادش فيها حاجه حلوة ، أو سوادها عسل

مربوطين في ساقية أكل العيش .. من تعليم لـ جيش
لـ حب قتله سعر السوق .. فقالوا عنه طيش
مش صدفة كل الناس دي بقت بتحلم بـ اللجوء
محدش غيرنا بيعزف .. تيتانيك بتغرق .. فوق

البلد دي فيها ظلم والسكوت عليه جريمة
فاضل ايه عشان تحس إنك ملكش قيمة
إتهانت جوه قبل بره .. ألف بدل مرة
سكرهم يا نمل مرر .. إتحرر

فريق عمل أغنية موسم الذئاب الجوكر

Mosem El Ze2ab
Lyrics: El Joker
Vocals: El Joker
Music: Hanto
Master & mix: Youssef Anwer
Des. by: Mostafa Karim
© 2018 El Joker

إستماع أغنية موسم الذئاب الجوكر

عن كلام كتب

كلام كتب، هنساعدك تقرأ. نعمل على نقل المعرفة من الكتب إليكم من جميع الكتب العربية. مثل كتب : (تطوير الذات - إدارة أعمال - علم النفس - تعليم - معلومات عامة - صحة وطب - روايات والأدب - التاريخ - قصص - العناية بالمنزل - العناية بالأطفال - هوايات وفنون)

اترك تعليقاً

لن يتم نشر عنوان بريدك الإلكتروني.

error: Content is protected !!